السياسة الناعمة

[العمدة مروق المنقة]

السياسة الناعمة السياسة الناعمة السياسة الناعمة السياسة الناعمة السياسة الناعمة

بسم الله

ياخوان لا تخافون وانا اعرفكم اسود
السياسة هنا ليست سياسة الدول
فانا لا افهم فيها وانتم اكيد ما تفهمون بالسياسة
هكذا خلقنا الله ان فهمنا كل شئ الا سياسة الدول
لا سياسة اقتصادية ولا غيرة
المهم المقصود بالسياسة هنا السياسة الى كل واحد يفهمها
الا وهي
سياسة الرجال مع المعزبة او راعية البيت او ام العيال او الحرمة ولها مسميات كثيرة بعضها ينطق ولا يكتب
هل تعتمد هذه السياسة على المصالح المشتركة ام على توازن القوي ام على الاستخدام المفرط للقوة ام على سياسة العصا والجزرة ام على سياسات اخري

ارجوا من جميع السياسين المحنكين الادلاء بتصريح في هذه المناسبة

ولكم جزيل الشكر

[منقاش]

يا عمده غبت عنا وافتقدناك اجد , الله لا يغيب عنا المطرمثل ما غبت , واكيد أنك طيلة مدة غيابك كنت منشغل بالأشوان السياسيه النسوانيه مع معزبتك , هذا أذا كنت أنت اللي تسوسها ماهي اللي تسوسك حتى تسوس .
وقبل أبتدي أجاوبك على سعالاتك أقول ليتك ترفع شويه وبلاشي حركات نص الكم وبلاشي من الكلام اللي معناه في بطن الشاعر مثل يوم تقول العصا والجزره ,,, يعني ويش قصدك بالجزره , ترى الفار أبتدا يلعب في سروالي من هالمعاني المزدوجه ,, هذا كلام زكرت وعيب عليك تقوله يا عمده في كنفيوتر ثماله , والا تحسبك في الشبيكه وسوق الليل ..
أما جوابي على سعالاتك أقول فيه :
بسم الله الرحمن الرحيم , وعليكم السلام ورحمة الله وبركاته : الحكيكه أن الأستخدام المفرط للقوه مناسب أذا هود الليل (في الظلام الحالك) وفي النهايه المصالح مشتركه ما فيها قولان ولا فيها غالب ولا مغلوب ولا حاج من الطرفين الا وطالب مغفره .
بس أعتكد أن لعبة القط والفار أحيان مجديه في الصباح والعصاري حتى يصبح الموضوع حبه صباح حبه مساء .
وللتركيع وكسر الشكيمه لأم شكيم فيه أسلوب نشر الأشاعات عن النيه في زواج الثانيه والثالثه حتى يصبح المعزب يتكلم من مصدر قوه وراسه مرفوع ويرهب المعزبه (وحط تحت راسه مرفوع خطين حمر) ..
أما عند أتخاذ القرارت فالراي مشترك وتيمقراطي على قاعدة ما أتفق عليه المعزب وخرمته يمشي فيه راي الخرمه وما أختلفوا فيه يمشي راي رجال الخرمه وهذا قمة العدل والتيمقراطيه وحقوق النسوان ..

[العمدة مروق المنقة]

هلا بالدكتور منقاش
ابو السياسة والكياسة وبيع العبيد في سوق النخاسة
حقيقة اسعدني ردك وما زلت يابو نقشة تثبت ورغم السنين انك سياسي بارع
والصراحة اني تمنيت ان الاعضاء يفظفظون شوية
يعني الي ما يقدر على شئ في الواقع يخلية في قسم الاستراحة ويستعرض عضلاتة شوية
يعمي ما حد داري عن شئ
الا والله الي حرمتة تقراء مواضيعة هذي فيها كلام ثاني

[مخاوي منقاش]

اولا من وين طلعت يالمنقاوي عساك تطلع من المولد بلا حمص (ويمكن منقاش بعد المديح يشتري لك فول بدل الحمص) وان كنت في بيات شتوي فباقي غلى خروج الجرابيع شهر 00وعليكم السلام
طبعا السياسية حقتك(الحريمي) عدة انواع اهمها=-

1 سياسة الباب المفتوح اي كلما زعلت قلتلها الباب يفوت جمل ولكي لا تتهمك بالغباء قل الباب يفوت ناقة0

2سياسة شعرة معاوية وقد يسال سائل من وين اجيب شعرة معاوية والجواب لايخلوا من امرين اما ان تبحث عن شخص اسمه معاوية او تزور مع خلق الله وقد سمعنا ان اربع قضاة موقوفين في جدة بسبب التزوير واذا رجعو الي وظائفهم خل واحد منهم يزورلك الشعرة ويطلع لك صك طويل عريض بان هذه الشعرة من شعر الصحابي معاوية ابن ابي سفيان0
المهم اذا تخانقت انت والمدام فجب الشعرة وخلها تمسك طرفها وانت الطرف الاخر وكلما اشتد النقاش ارخ واذا اعطتك لاسمح الله كف اقطع الشعرة احتجاجا على ا لاستخدام المفرط للقوة0




وللحديث يقية

[منقاش]

يا مخاوي عساك تخوي في فم كلب ولا يلقون برى فمه الا فرده من مداسك المقطعه ,,, أنت يوم تقول ما قلت بعقلك والا سكران ؟.
يا غبي ما عاد فيه لا ناقه ولا جمل والناس تقول هالحين الباب يفوت تريله ,, بعدين العمده تخوفه الجمال ولا يحب يطريها ومدامته (خرمته) ما تعرف الفاظك المتوحشه اللي ما تصلح الا في حيشان الهيشان (الهوش).
وبعدين يا ذكي أترك عنك الكلام اللي ما أنت قده واترك عنك شعرة ولد السفياني وخرامط الورعان ,, يعني الرجال سعلك سعالات وجاوب على قد السعال وبلاشي ثاني مره كلام كبار ماهو في مستواك .
لا تواخذني يا عمده , بس أحبيت أوقف المخاوي الملقوف عند حده واخلي راسه قد السمسمه وافهمه أن البيضه ما تداقش حجر حتى ثاني مره ما يتدخل في علوم الرجال والناس الكباريه مثلنا ..

[العمدة مروق المنقة]

هلا بالمخاوي الهواوي الجلاوي
تدري ولا ماتدي احبك يابعد عمري
منت المقصود يالمخاوي لا تفرح
العلم الوكاد يامخاوي انك تمثل الفكر الراءس مالي
ومنقاش الفكر الشيوعي بتاع ماركس
يعنى اصاحب فكر وسياسة وعليها رحلات خارج الحدود (عساكم انت وياه للدود)اكسبتكم خبرة في المجال الدبلماسي
لكن اخوف ما اخاف على العامة والدهماء من امثالي اصحاب الخبرة المحلية والفطر السليمة من افكاركم الملغومة
وانتم اهل خطابة واقلام وكتابة وسحر ودجل وشعوذه وطلاسم (يامال السم)
وانصح اخواني الدهماء عند الدخول لمشاراكاتكم بقراءة الاذكار الطاردة لشياطين افكاركم
واخبرهم ان لا فلاح لكما ولا يفلح الساحر حيث اتى
يبتاع الراءس مالي

[رويعي الغنم]

يا جماعه المثل يقول ورى كل مره عظيمه رجال , والنسوان هم الكل في الكل والرجال مثل ما تقولون سواقين ومراسلين لهم .
واللي فيكم ماهو مستوعب كلامي يبدي يوم من الأيام على رعية غنم ويفكر في التيوس ويفكر في الطليان ويقول قالها رويعي الغنم .
وفي الختام لي كلمه أوجهها لشيخ المنتدى الشيخ منقاش أقول فيها لا تلاغي الناس اللي أقل منك مثل المخاوي واضرابه اللي يعرفون أنفسهم . ترى ملاغاة أقل منك تنقص قيمتك ...

[أبو عبدالرحمن]

الآن النسوان يستخدمن نظرية بوش
ان لم تكن معي فانت ضدي

يعني مافيه انصاف الحلول . اما ان تكون عبدا مطيعا . تسمع وتهز رأسك وتنفذ . وإلا حبل المشنقة أمامك

فمالنا غير السمع

[العمدة مروق المنقة]

كلا والف كلا لن تحكم النسوان يوما
يقول احد المتفائلين


ولله ليجي اليوم الى يبحث الرجال فيه عن حق المسواة مع المراءة
يرد احد الفاهمين بلحيل

ليه ياخي من الي مقومهم علينا
يرد المتفائل الاول

الي مقويهم علينا هو نفسة الي كان مقوي الشيوخ على الدلوخ
يرد الفاهم ماغيرة

طيب له
يرد المتفائل

لان دعمة للشيوخ ماجاب الا المصايب
يرد الفاهم

ويضيف الفاهم
وتخيل عاد الي راح يصير ساعتها لما تلتحم القوتين
ونروح ساعتها حبة فوق وحبة تحت

ياساتر يارب
يرد المتفائل