رواه جابر

[مخاوي منقاش]

رواه جابر رواه جابر رواه جابر رواه جابر رواه جابر

عن جابر ابن احمد رضي الله عنه وعني وعن جميع افراد معسكرنا الطيب فيهم شرواي والمهبول الطامع بالقيادة كالمشاكس والضيف الجديد ال عنتر (لن نضمه للحلف حتى يختبرة ابن سلمان ويقول لنا وشؤ من رجال) لان ابن سلمان مثل السفر يختبر (بفتح التاء) بهم الرجال0

قال=- ذهب منقاش قبل اسبوعين الى طبيب الاسنان في الهدى علما انه لايحمل في فمه الا عدد اصابع الرجل الواحده من الاسنان(اللهم لا شماته) وعندما جلس على الكرسي وجاب الدكتور ابرة البنج نظر اليه منقاش نظرة ناعسة لفتت نظر الطبيب وقال لا تخاف يابابا ماتوجع ولم يرد علية منقاش الا بكلمة اسرع وما أ ن اخرج الابرة الا ومنقاش يغط في نوم عميق مخلوطا بشخير يزعج الحمير حينها جن جنون الطبيب لاول حالة تمر علية وخاف انه اصيب بمكروه اتصل بطبيب القلب وتجمع عدد من الاطباء ووقف الجميع محتار ين امام هذه الحالة النادرة
قال جابر وكنت برفقته عندما انزلته وذهبت البق السيارة وصعدت للدور الي فيه قسم الاسنان وعندما دخلت الغرفة الا والاطباء كل يدلي بدوله احد يقول جلطه واحد يقول سكر واحد يقول جنون البقر واحد يقول سعال ديكي وواحد يقول داء الكلب فسلمت وقالو انت معه ؟ قلت ايه وش المشكلة قال زي مانت شايف قلت الرجال نايم وهذه عادته لا ن المخاوي يقول من يوم نركب الطايرة وقبل ماتتحرك من المدرج ينام وهذا ديدنه مع كل كرسي يجلس عليه وقام جابر وهزه مع الكتف ففز منقاش وقال جلاص يادكتور؟
قال جابر ونظرت الى وجه الدكتور ووجدته احمر من الحمق وساله ايش قومك انت؟ وبكل برود قاله منقاش خلك في شغلك انا قلت اخذ تعسيله لين ياخذ البنج مفعوله
يقول جابر ويخرج الدكتور زعلان وانا الحقه واقول صحيح ان الرجال حمار وعبيط وابله ولا يسوى فص بصله(كل هذا كلام جابر) ولكن ترى الرجال نشبه وراعي مشاكل واتق شره واحسن شي شل كل سنونه علشان ماتشوف وجهه الا يوم الحشر 0


الاخ منقاش/انا احب الجنوب عشت فيه في بداية العشرينات من عمري ولي فيه ذكريات جميله واصدقاء اجمل ولكن تنقل حائل الى الجنوب من الشمال فهذا مالا نرضاه من القول و العمل و لا ترى انقلكم ياهل الطايف الى موزنبيق وتجلسون قرن وانتم ماتدرون وين انتم تربت يداكم كلكم ماعدى الي على بالي منكم ويعرفون انفسهم (المعذرة اخرجني من طوري)

وعلى شان ماتزعلون ترو ارسلنا لكم كميات كافية من الدقيق بعد ان اشتغلت المطاحن بطاقة 12000 كيس يوميا 0 وانصحكم بتخزين الخبز بكميات تكفي لسبع سنين وذلك بوضعه بكبسولات تشبه كبسولات المضاد الحيوي (يمدحونها مايدخلها السوس)

واما قولك لودخلوا جحر ضب فتذكرت يوم انا وانت في مسجد العباس نستمع للشيخ يحدث بهذا الحديث فقال اخرجه الترمذي فرفعت يدك للسؤال قائلا ياشيخ الترمذي هو اللي اخرج الضب؟ فمد الشيخ رجليه0


استغفر الله من هرطقتي وهرطقة ابن سلمان