انا لها

[مخاوي منقاش]

انا لها انا لها انا لها انا لها انا لها

قبل يومين اتصل علي ابو عبد الرحمن وقال افزع يالمخاوي قلت(كالعادة)ابشر وش عندك يا ابن ادم قال دب خلاف بين منقاش ومدهش وانا تفرست بوجيه الرجال مالقيت من يقوم بالمهمة اجدر ولا احكم من جنابكم لما عرف عنكم من ذكاء وصبر ودهاء منقطع النظير وقال كلام في مدحي لو كتبنه لحسدني الجن والانس ولم يقل الا حقا0
جمعت طرف شاربي ولحيتي وفركتهما حتى سمع صريرهما الثقلين وقلت طيحتني بين اتنين لو دخلا مجلس اللوردات لنشب الخلاف بينهم ولكن انا لها0
الحقيقة فكرت وقدرت ودرست المشكلة من جميع جوانبها الاجتماعية والتربويه والاقتصادية والسياسية ووضعت عدد من الحلول واخترت اسهلها 0
اتصلت مساء الجمعة بمنقاش وقلت انا بكرى العصر عندك وللم المعاميل من نجر ومحماسة وقهوه نية وهيل غير مطحون وشوي تمر من اللي ارسلك والوعد عقب شبك المطار على طريق الرياض وشب النار وخل الماء يطبخ 0
اتصلت بمدهش وقلت هالحين انقز لم اقرب مكتب طيران واشتر تذكرة الى الطائف اولي وحجزك موكد اولى قال هاه قلت اسمع كلامي وانا عمك قال بس عندي دوام وعندنا مدير لكة و و و 00 عرفت المقصد قلت خلاص جهز نفسك انا ابي اشتري التذكرة على حسابي قال خلاص الساعة وحدة وانا مثل ابليس قدامك بالمطار0
ركبنا الطيارة ويوم وصلنا بالسلامة استاجرت سيارة وحطيت عفشي وسالني هالملفوف معك هو قيثارة قلت لا ربابة فهز راسه بغباء وركبناالسيارة ويوم وصلنا قام يرحب بنا الرجال ولكنه يوم عرف مدهش تلطم وجلس وقمت طلعت الملفوف وهو عبارة عن اثنين من العصيان الغلاض الشداد ورميت واحد لمنقاش وواحد لمدهش وقل الرجل ياخذ حقة بدو يتلاسنون وانا جلست احمس واصلح القهوة وهم بعد الملاسن اشتبكو بالعصيان وصحت ابعدو عن المعاميل غبرتو علينا وخذ يا فلاق ودم الين خلصت القهوه والشاهي صحت فيهم خلاص تعالو تقهوو جلسو بعد ماغسلو وجيههم وقدعو من التمر وتقهوو قلت لهم هالحين وش المشكلة؟ قالو بصوت واحد ما فيه مشكلة ابد قلت الحمد لله وبديت اسولف عليهم بالبعارين وعن حياة اوباما وعن معرض جيتكس الي في دبي وعن مشكلة دارفور ويوم خلصت قلت يالله يمنقاش رح جهز العشاء ولا تكلف نفسك حك راسة وقال متى معودين للرياض قلت بكر الصبح قال اكيد قلت انشالله قال اجل غداكم باكر لان اليلة مايمديني قلت اشتر لنا مندي لو نصف تيس قال انا لا اثق بحقين المندي واحيانا تيوسهم كلاب قلت دجاج قال دجاج ؟ووش دراك انه مذبوح على الطريقة الاسلامية لكن اضمن شي لحم الفقراء فول وتميس قلنا نجزنا لو تحط سم(قال بخبث ياليت عندي )0
علشان ماطول عليكم تعشينا ونمنا عند منقاش ويوم جت الساعة 7 التفت لمدهش الا في سابع نومه وسليت نفسي من الفراش وركبت سيارتي وكلمني مدهش قال وينك؟ قلت اتقهوى بالطيارة ونبي نقلع بعد حمس دقايق قال وشلون قلت علشان تعرف تشترى تذكرة0
كلمني ابو عبد الرحمن قال بشر قلت خير جمعت الاثنين عندي بالانتر كنتونانتل وعشيتهم وقلت هالخلاف المفروض مايصير انتم ابناء عم وعلى خلق والمفروض ان المزح يكون بحدود الادب وان تكون القلوب سليمة وان شاف اي واحد منا مايريبه من اخيه فيتصل تلفونيا وبالتفاهم والمحبة تولي المشاكل بلا رجعة وانا لولا ثقتي بنواياكم ما سعيت بالصلح وامسحوها في وجهي اثنينكم وحنا عيال اليوم وتعاهدو على نقاء القلوب والبعد عن التفهات واذا احد منكم خسران بالاسهم يبشر بالعوض بس خلو البترول ياصل 200 دولار وابشرو 0
دعاء لي ابو عبد الرحمن بالتوفيق وهمست في اذنه وقلت تراك طولت علينا بالنجمة0

[@ بن سلمان @]

نعم أنت لها
وأنت إبن قلاع الثنايا
متى تضع الجنز يعرفونك
كم من رجل رشيد في دنيانا
أنا ما أعرف إلا إثنين أنت واحد منهما
طبعاً أولى ردات الافعال سينعكس الخبر على السوق اليوم وباذن الله راح نشوف نسب خضراء
طلبتك يا بو عبدالرحمن عطه نجمتين
الأوله إنه فكنا من فتنة والثانية إنه جاء وخلى مدهش وراه في الطائف .

[أبو عبدالرحمن]

أنا قلت لك يا المخاوى..ما أصدقك...حتى أشوف الشيخ الشريف منقاش..

هو ارسل لي ثلاث رسائل عبر الجوال...وكلها مشفرة ـ فاضية ـ ولا سطر فيها!!وانا رديت عليه بوحدة ..وشفرتها له كذلك..

والنجمة مشروطة بموافقة حليفي منقاش..

[بيقبن بن فنحاص]

مخاوي منقاش : يسلم عليك الشريف منقاش ويقول البيض تعداك يا مخاوي , وكفو لهذي وأقل منها , ويقول أعتبر خلافي مع مدهش أنتهى بفضل الله ثم بفضلك .
ويسلم على خصمه مدهش ويقول أعتبرنا سمنا على عسل , واننا أخوات على ما يقول المصريون , وأعتبرنا صفرنا العداد للمره الثالثه وأن شاء الله يبقى على الصفر دائما ولا يحدث بيننا ما ينكد الخاطر , ويقول تكفى شف لنا حلا مع أسير الصمت اللي من يوم يشوف مقال جديد لمنقاش دوبه نزل ينط ويدور أي مقال مضى عليه أشهر والا أسابيع ويدفن به بضاعة منقاش اللي طازه دوبها نزلت السوق .
ويقول تكفى بحق الصلح اللي أصلحه بيننا المخاوي أن كان الرجال منكم والا حواليكم بلغه يا مدهش وقل له أن ألأصول يخلي الموضوع الجديد ياخذ حقه من القرايه ثم بعدها نتعاون كلنا على دفنه .
كما حملني ابو نقشة سلاما حارا لأخيه أبي عبدالرحمن ويقول : الله يعينك علينا ويصبرك على مشاكلنا , ويقول أنت مشرفنا اللي مقلطينك تحذف وتبقي ما تريد , وهذي أصول الشرافه وبها والا بلاشي , وكما قال الدكتور مشعان , لا بد من أمير ومامور وطاعه , لكنه يستثني العباره اللي خذفت بأشاره من مدهش , ويقول أعيدوها للحلقه الثالثه لأنه ماهو مقتنع من حذفها بالأسلوب والظروف اللي حذفت فيها , وبعدها يعود منقاش وربعه في ساقتها , وعندها , يا دار ما دخلك شر.

[ابوسيفين]

المشاركة الأصلية كتبت بواسطة بيقبن بن فنحاص

مخاوي منقاش : يسلم عليك الشريف منقاش ويقول البيض تعداك يا مخاوي , وكفو لهذي وأقل منها , ويقول أعتبر خلافي مع مدهش أنتهى بفضل الله ثم بفضلك .
ويسلم على خصمه مدهش ويقول أعتبرنا سمنا على عسل , واننا أخوات على ما يقول المصريون , وأعتبرنا صفرنا العداد للمره الثالثه وأن شاء الله يبقى على الصفر دائما ولا يحدث بيننا ما ينكد الخاطر , ويقول تكفى شف لنا حلا مع أسير الصمت اللي من يوم يشوف مقال جديد لمنقاش دوبه نزل ينط ويدور أي مقال مضى عليه أشهر والا أسابيع ويدفن به بضاعة منقاش اللي طازه دوبها نزلت السوق .
ويقول تكفى بحق الصلح اللي أصلحه بيننا المخاوي أن كان الرجال منكم والا حواليكم بلغه يا مدهش وقل له أن ألأصول يخلي الموضوع الجديد ياخذ حقه من القرايه ثم بعدها نتعاون كلنا على دفنه .
كما حملني ابو نقشة سلاما حارا لأخيه أبي عبدالرحمن ويقول : الله يعينك علينا ويصبرك على مشاكلنا , ويقول أنت مشرفنا اللي مقلطينك تحذف وتبقي ما تريد , وهذي أصول الشرافه وبها والا بلاشي , وكما قال الدكتور مشعان , لا بد من أمير ومامور وطاعه , لكنه يستثني العباره اللي خذفت بأشاره من مدهش , ويقول أعيدوها للحلقه الثالثه لأنه ماهو مقتنع من حذفها بالأسلوب والظروف اللي حذفت فيها , وبعدها يعود منقاش وربعه في ساقتها , وعندها , يا دار ما دخلك شر.

ياهلا والله بابن فنحاص ومن طول الغيبات جاب الغنايم وانت جبتها يالنشمي واثني على عبارتك ان البيض تتعدى المخاوي لانهم وش يلقون عنده ، سلم على الشيخ وقله نحن

بانتظاره لايمسي الا معنا ولايكون عوين لشلومو وربعه علينا ومادام ان العداد صفر فلابد الشاشه تصفر أيضا وهذا رجاء 0

[أبو عبدالرحمن]

الله يحييك مرة أخرى يا مرسال منقاش.

ووصل هذه للرسالة للشيخ الشريف منقاش..

لأنه واضح والله العالم أنه فاهم السالفة خطأ

وأنا عارف أنه ما يستوعب ! مادام كل ليلة يتعشى فول ، عليه بالعاافية

وقل له : أبو عبدالرحمن يسلم عليك كثييييييير السلام ويقول لك : لو أن القضية فيها مساواة أو مفاضلةمع شخصية منقاش الحقيقية

فإن الأخرين يعرفون ما أحمله من تقدير واحترام وإجلال لمنقاش

فهو بمثابة الأخ الكبير لنا جميعا وما يحصل من نقاشات ومناوشات إنما هي في دائرة البيت الكبير والإخوة الذين يعيشون فيه

وزي ما يقولون في الأمثال الشعبية ( مصارين البطن تتخانق )

وبالنسبة لطلب الشريف منقاااش إعادة الكلام المحذوف من مشاركته الثالثة

فقبل ذلك أؤكد أن الحذف لم يكن أبدا مراعاةً لأحد على حساب أحد

وإنما كان إجراءاً إداريا بحتا يمس أي موضوع وليس له أي علاقة بالشخصيات المشاركة في الموضوع

لذلك ومن باب التأكيد على هذا الأمر وحرصا على الشفافية والصفا في علاقاتنا مع بعضنا البعض

فسيتم إعادة المحذوف لكي يتأكد ( منقاش ) بنفسه أن الحذف كان من منطلقات إشرافية إدارية بحتة

وليس بسبب تفضيل أو مراعاة أو محاباة لأحد

وعلى العموم نشكر وجووه الخير من أولهم لآخرهم في محاولاتهم الطيبة للصلح ولم الشمل من جديد وإزالة أشكال الخلاف بين الأعضاء في هذه القضية

ونطلب منهم أن يستعدوا لاستلام اوراق القضية الثانية .

[مخاوي منقاش]

يابن فنحاص قل لعمك انا قلت امسحها هالمرة بوجهي و يجي يعيد ويكرر هالكلام هو مايعرف معناها ؟اعلمه 00اوهو مايقدر وجيه الرجال ؟ فهذة مصيبة 00 بلغة ورد لي 00لانه اذا اصر على اعادتها في نفس الحلقة فلي موقف اخر فسوف اقبل راسة وادس في جيبه ثلاث نجمات هي ما املك من حطام الاستراحة

[* أسير الصمت *]

يعطيك العافية يا مخاوي منقاش و أنا معك في السراء والضراء ....
بس لا تنسانا من النجوم يا أبا عبد الرحمن ....

[مدهش]

مخاوي
ذكرتني لها أون لاين
أولاً كثر الله خير أبو عبدالرحمن اللي شرا التذاكر لي ولك وإلا أعرف سفراتك ما تعدى النقل الجماعي والنفر 75 ريال
ثانياً يوم أصبحنا من نومنا تريقدت وتظاهرت إني نايم بنية تركك تطس لحالك لكن حياء من أبو عبدالرحمن لا أخلي رفيقي قمت ولحقتك .
وبعدين لا تشمر بالسالفة وعلمهم إنك قلت نبي ناخذ عمرة قبل نعود الرياض قلت تم بس ما معي احاريم , لكن قدامنا من الميقات اشريها وهناك اغتسل ويوم وصلنا ميقات السيل وانا اشتري احاريم واقول لك يالله خذ لك حرام ومشينا يم المغاسل نغتسل ونحرم , قلت أنت أنا مدبر عمري من الرياض ولابس حرامي تحت الثوب ولبيت عمره وأنا في الطيارة , هاثم تفضخ ثوبك والياك صدق بحاريمك ولابسها ( الله من عمره والله من معتمر ) .

[مخاوي منقاش]

اسير الصمت/ بارك الله فيك وانا احب الواحد اللي يكون معي بطاقة وصراف وانا ادعو ابا عبد الرحمن ان يصرفلك كم نجمة تنفعك يوم لا ينفع مالا ولا ولدا
مدهش/ الناس عرفو السالفة واحمد ربك ان منقاش هداه الله واعطاك حمار يوصلك للرياض
منقاش /ارسلت لك رسالة مع بن فحاس(قصدي فنحاص) وعجل بالرد