في بيتنا منقاش

[مخاوي منقاش]

في بيتنا منقاش في بيتنا منقاش في بيتنا منقاش في بيتنا منقاش في بيتنا منقاش

السلام عليكم ايها الاحبة الكرام/
اذكر وانا صغير انني مغرم بالروايات الغرامية(هالحين يطلع مدهش ويحوقل ) وقد قرات رواية في بيتنا رجل لاحسان عبد القدوس وكم كنت اتخيل انني كنت البطل الوطني والذي تعلق بنوال0
كاني بابن سلمان يقول وش مناسبة هالكلام ؟ اقول وبالله التوفيق من عاداتي الحميدة انني كل ستة اشهر اخذ اولادي لاحد المطاعم المشهورة واخليهم يطلبون ما يشتهون وهذا في نظري من اهم العوامل التي تحبب الابناء لابيهم وفرصة للاب ان يعود ابنائه على الصبر والترقب والعيش غلى الامل والمثل يقول(شئي ترجيه ولا شئي تاكله) وكان الموعد مساء هذا اليوم وكنا مستعدين جميعا للحدث النصف سنوي انا بتجهيز الفلوس وهم بعدم الاكل والشرب طوال ذالك اليوم لاني معودهم على الا يبقوا في بطونهم فراغ ليحللو مايلهفه اللبناني0
وبدون مقومات رن جرس الباب فقلنا بصوت واحد خير انشالله وجاء نواف قال يبه جاء اللزقة (وهو الاسم الذي اطلقة الصغير على منقاش) قلت عيب هذا عمك0
ياهلا منقاش تفضل قال غصب عليك وتراني لزقة بعلباك(فسرها يامدهش) قلت هذا وغد لاتواخذه قال هذا العصاء من تلك العصية0
وبعد السلام والسوالف سالته وش عندك جاي بهالوقت قال هاج من ربعي وانت تعرفني رجال شغوف باخبار امريكا وهاليومين الجايه ايام انتخابات وانا ارابط قدام التلفزيون وشفت ربعي كثروا الرجل علي وكل شوي داخل علي ثنين وثلاثة وشرب شاي وقهوه وتمر وان صادف وقت عشاء تعشو و قلت مايبغالها الا المخاوي اصد عن ربعي وعند المخاوي( جنة حمار ثغب وثيل) وكلها اربعة ايام وتنتهي الانتخابات 0
قلت الله يحيك وانا كنت ناوي اطلع انا والعيال نتعشى براء قال خلوكم على نيتكم وانا ابي اخاويكم قلت الله يحيك ولكن نواف طار الى اهله وقال اللزقة يبي يلزق معانا بالمطعم ويوم دخلت للبيت قالو هونا ماحنا رايحين قلت اجل سووا لنا عشاء0
وبعد العشاء جلسنا ندردش انا ومنقاش فسالته هالحين يمنقاش تتوقع هالكور يبي يحكم بلد كانت حاملة لواء العنصرية وبهذه السهولة قال اسمع بارك الله فيك الامريكان هالحين تورطوا فنفسيا هم لايقبلون ولا يستطيعون التراجع بعد هزيمة حرمة كلينتون وان انهزم الكيني قالو الناس شوفو بلد الديمقراطية يخالفون استطلاع الراي العام وان ذبحوه وهذا وارد قد تتسبب بثورة زنجية بلا حدود لذا اعتقد ان اوباما سيفوز وهو تحت السيطرة التامة في السنوات الاربع الاولى0
قلت هالحين الشعب الامريكي ينتخب اتخاب مباشر ولا لا؟
قال لا الناخب الامريكي لاينتخب الرئيس وانما هناك نظام انتخابي غريب 0
ممكن يامنقاش تبسطه لي وانت تعرف فهمي على قد حاله قال ابشر0
في القرن الثامن عشر1815م اصبح لكل ولاية هيئة انتخابية حسب حجم السكان وبعدد ممثلي الولاية في مجلسالشيوخ +2 فمثلا ولاية كلفورنيا لها 55 صوت تليها تيكساس34 صوت و نيويورك 31 وبنسلفينيا 21 بينمانورث داكوتا3 اصوات ومجموع الاصوات 538 صوت وعلى الرئيس ان يفوز 270 صوت 0
والهيئة الانتخابية هم اناس من المحامين والناشطين السياسين ورجال الاعمال تم انتخابهم من كل سكان الولاية وتوكيلهم بانتخاب الرئيس نيابة عنهم وكل مرشح يؤيد احد المرشحين بالرئاسة والغريب ان الحزب الذي يفوز يحصد كل اصوات الولاية فمثلا لو فاز مؤيدو اوباما ب28 صوت في ولايةكلفورنيا فان اوباما يستولي على 55 صوت هكذا0
طيب لو تساوى المرشحان؟
في هالحالة بصوت مجلس النواب على المرشحين الثلاثة لكل عضو صوت واحد حسب انتمائهم الحزبي 0
السؤال الاخير شلون صرت مثقف يامنقاش قال هاتلي بيرة اغدي عشاك يتهظم0000

[مدهش]

ذكرتني مسرحية لطلبة من جامعة الملك سعود بإسم في بيتنا مجنون أحد أبطالها عيد الدوسري وواحد شهري ظهر من الأسماء اللي فجرت نفسها في أحد الكمبات في الرياض .

أقول تهناكم الرحمة وفالك الفقع إن شاء الله في ساق السيل وأعجبتني سياستك ويبدو لي إنك رجل تربوي نادر وترى على فكرة مجرب المطاعم اللبنانية وعز الله تبي تشبع عندهم وخاصة لو تعشيت في أوشال , وبعدين سؤالي هو أوباما كور وإلا لونه كاكاو
أنا اتوقع من يوم الأربعاء نسمع بالبيت الأسود .

[منقاش]

يا الله صباح خير .
الأوله , ما كور الا أنت , وبطلك من العنصريه وكلنا عبيد الله , والبومه أخوك في الأنسانيه .
الثانيه , تذكر أن سيدتك كوندليزه رز لا زالت وزيرة خارجيه , وتذكر أنك ما تحلم تشوفها ألا في التلفزيون .
الثالثه , وعدت فخامتي أنك تضم لنا في المنتدى ابن رضوان , السعال , وين الوفى بالوعد ؟.
الثالثه , سلم على نواف .....

[مخاوي منقاش]

انا لو شفتني اتهكم بكمقاش بس ما اصل الى درجة ان اطلق عليه كلمة مجنون ولكنك انت اجراء مني0
الله يجعله عام خير وبركة 0
فعلا احس اني نادر في كل شيء ومغرور وقد عرضت نفسي على طبيب نفسي وقال مايك خلاف0
البيت الابيض رايته بيضاء بين بيوت العرب وانا اشهد انه بيت كرم وضيافه ماهو بيت بعض الناس0

[ابوسيفين]

عموما اتوقع فوز اوباما لا لشيئ الا لأن الحمار المحبب الى شيخنا هو شعارهم

وبعدين المس ان الغيره بدت تدب عند بعض الناس من ثقافه شيخنا ، ويحاولون مجاراته لكن أنى لهم ذلك 0

[أبو عبدالرحمن]

هذا منقاش واضح أنه يوم ولد كان في فمه ملعقة ذهب!
كل يوم يضاف له لقب جديد . ولقب الابن نواف .اشوفه أفضل واصدق الألقاب !

[مخاوي منقاش]

ابو عبد الرحمن/ مارايح يغلب القذافي الا منيقيش 0
دمشعان/شهر العسل بينك وبين منقاش سينتهي وترجع الينا ناكصا على عقبيك وبعدين من فين لك اسم مشعان لو فلفلت ثماله فلفلة مالقيت اسم مشعان كل اسمائهم عويض معيض عوض وكلها طلب تعويض وانتم اشغلتم الحكومة بطلبات التعويض ان جاكم سيل طالبتم بتعويض عن حمير منقاش التي فطست وان جاكم جفاف طالبتو بتعويض عن النحل الي مالقاله شي يمصة كل ميزانية الدولة راحت لكم (هالحين يطلع منقاش يقول شوفو هالي مايسوى كيف يتهكم عليكم ) وانا اقول هالكلام من معزتي فيكم خوفا عليكم من العين0
منقاش / الله يسلمك وهو متاسف ماتوقع ان ابو عبد الرحمن يبي ينتبه لها وخلاص ياللزقة ماحنا قايلينه لك واما بخصوص الجيزاني فقد قابلته عند البسام وقال خلاص خله يسوي لي كل الامور وانت ارسلياها برساله وزي مااتفقنا0

[* أسير الصمت *]

ليش ما عزمتنا يا مخاوي منقاش على العشاء
يوم جاك الشيخ منقاش كان تكلمنا معاكم عن
الانتخابات الإمريكية <<< مسوي فاهم بالسياسة

[مخاوي منقاش]

عشى منقاش مايصلحلك لانه من يوم دخل شم ريحة اكل السواق الفلبيني ويصر الا يتعشى منه فقلت للفلبيني لا خلصت من العشاء وبقي شي جيبه بالملحق للضيف اما كون اني فاهم بالسياسة فانا فاهم والدليل انه لو وقف اوباما وماكين بجنب بعض استطيع ان اقول هذا اوباما وبكل دقة لن ابالغ واقول 100% مثل الانتخابات العربية بل الاكيد اكثر من 51%

[* أسير الصمت *]

يعطيك العافية يا مخاوي منقاش
وننتظر مواضيع أخرى في منتدى الاستراحة ...