منقاشليندينو

[مخاوي منقاش]

منقاشليندينو منقاشليندينو منقاشليندينو منقاشليندينو منقاشليندينو

الاسبوع الماضي قمت بزيارة خاطفةللطائف وكالعادة لم يطعني قلبي ماامر على منقاش واتصل على جابركالعادة لكي يجهز العشاء في مزرعته ويضرب عصفورين بحجر واحد منها يتعشى ويسلم من الخساير وطلعنا بعد العصر على جهة بلاد ثمالة وكان معاه ثلاجة شاهي وجلسنا وكان فيه برحة وفيها شباب يلعبون كورة وجلسنا نسولف وقلت يامنقاش ماتتمنى لو يرجع العمر الين تصير مثل هالشباب فمسك طرف شاربة ونظر الي بعين حارة وقال انا مامضى لي شي وتتحداني العب معهم فقلت في نفسى فرصتك يالمخاوي قلت كذاب فقام وفصخ الثوب واشر للعيال وقال عن اذنكم وطب الملعب بين استغراب الجميع وبداء يخبط كالمجنون وصار الشباب يناولونه الكورة و في احد المرات حاول ان يتفنن واراد ان يضرب دبل كيك وعينك ماتشوف الا النور وكنت مشغول بالجوال ومانتبهت الا والشباب متناقلينه وهو يتلوى من الالم فقلت على لسانه ابيات (باعتباره لا يعرف الشعر) ورديت عليه عقب ماوديته المستشفى وخذو عليه اشعة

قلت على لسان منقاش



البارحه نومي تقلب وتكويك ...... مااقدر على القعده ولا الإنجضاعي
مر أتشقلب فوق ومرات توريك .... ولا ضايقن ياكود طول الكراعي
ولا فادني ياخوك مرخ وتدليك .... بقيت طول الليل ساهر وواعي
أشكي صوابي عند حضرة معاليك ...حيثك فهيم ودوم بالخير ساعي

فقلت :

ياملاعب الوغدان حقك ومافيك .... اللعب للشيبان مافيه داعي
تذكر مع الورعان تلعب دبل كيك ... وبالليل واقف عند باب الإشاعي
الطب عندي واحضر الصبح نكويك ... ونسقيك شبّه كان فيك انملاعي
وتداوم أكل الضب والبيض والديك ..وبعض العرب تنصح بأكل الأفاعي

قال أولا ماني شايب ثانيا هذا ماهو طب هذي عداوة