~*¤®§( هـــدية هــذيل )§®¤*~

[عيضه العيسي]

~*¤®§( هـــدية هــذيل )§®¤*~ ~*¤®§( هـــدية هــذيل )§®¤*~ ~*¤®§( هـــدية هــذيل )§®¤*~ ~*¤®§( هـــدية هــذيل )§®¤*~ ~*¤®§( هـــدية هــذيل )§®¤*~

احدقصائدي المتواضعه مهداه لقبيلة هذيل بدون قصور في حق
جميع القبائل جت على اثر دعوه كريمه تلقيتها من
الشاعر القدير:عطاالله القارحي الهذلي
لحضور عرس احد افرادقبيلته
في مكه المكرمه
حبيت ان تدون على صفحات هاذا الموقع
المشرف ..

[poem="font="Simplified Arabic,6,black,normal,normal" bkcolor="transparent" bkimage="" border="groove,1,black" type=1 line=0 align=center use=ex num="0,black""]

ابدا بذكر اللي شرع سلم واجهاد=سبحانه ا علم باالنفوس وخفاها

واقول قولي واعتني فيه بركاد= وامشي عسيرالارض وامشي وطاها



واطول هامتها بتفكير وابعاد= واللي يدور للثمينه لقاها

واكتب وقاف الشعر موثوق بااسناد= مثايل_ ترفع قدر من قراها

وهذي رساله كلهاعلم وافواد=وارجي من الله تاصل ال مبتغاها

عني وعن ربعي سليلين الامجاد=اهل الحصون اللي رست في ذراها
ربعي لهم بالعرف مصدر وميراد= ولن دارت الايام تدرج رحاها

ماهي وليدة يوم من عهد الاجداد=تاريخها بين القبايل كفاها
يوم انها كانت على قدح الازناد= تحمي طرف جيرانها مع حماها

وفاالموقف الغصاب تستحرم الزاد =حتي كبود ثبـيـت تروي ظماها

وانا ولد مستور لـلنـب سداد= عصات ربعي والعصي من عصاها

ارفع برايتهم على روس الاشهاد=حتى نجوم اسهيل تلحق مداها

واهدها هد اشقر الريش طراد= يرقى سناديها ويعبر سماها

مدهونة_ باالمسك والعود والكاد= مني للاد اهذيل يبلغ صداها

حشمة عواني مابها زيف واعناد= ولاندور طمعــة_ من وراها

ومدام ذكر الطيب بين العرب ساد =اهذيل نذكرها ونحشم لحاها
واليوم جى للحفل حزه وميعاد = ودعوت عطاالله مااندرق من وراها

ماني واناعيضه بناكر وجحـاد= في ماقفي رجلي مثبت خطاها
ومن لاعرف قدرالرياجيل لاعاد = والهـيـنه مااحد_ قعد في حراها

وجلابها ياعنك ماعنه نشاد =لن جايد اويها بجهله عماها

والحمدلله كلنا شعب رواد= ننصر شريعتنا وندحر عداها

في ظل دوله نعتبرحسبة احفاد=وحكامنا كل الرضى من رضاها

اخوان نوره للعدا ضد واظداد =تقطع مدابرها وتنقع صفـاها

من خان تلهد كبد كبده بملهاد= وماللخيانه غير جمرة لظاها

ياعابث_ باالامن ياحبة اقراد = لاعادت امك يوم مثلك ضناها

لاياالرخم ياورع سرداد مراد= غرتك شله نعنبو من رباها

لاخفت من ربك ولاخفت نقاد = فعايلك محد_ يسوي كماها

لكن دونك سيف ساطي وجلاد = يسحق عظامك لوبغمده هواها

ياجاهل افهم واش بقي واش بقي عاد=غلطه كبيره كيف ندمح خطاها

وياسامعين القول والقول بااوكاد = غنابها عيضه وردوا وراها

عاش الفهد للمملكه سيف واغماد= قايد مسيرتها ورمز لعطاها

ولي عهده عون والخير يزداد = يوم ان ابومتعب بزنده ثناها

واينوبهم سلطان قايد للاعتاد =وفزعات ابوخالد من اللي نساها

وللامن نايف عممه والأمن شاد =لهل المدن واهل القرى في قراها

للمعتدي والجاني اوثاق واقياد= ولانطاوع نفس تتبع غواها

حنا سعوديين للعالم اسياد = وايدننا يا اللاش مااحد_ لواها

واسلامنا ماهو بتكفير والحاد= يازمرة_ باالحيل زايد غثاها

نحكم بشرع الله على كل مراد= والله محدد في كتابه جزاها

عاشت بلادي دون تخريب وافساد= ويشرق بدر ليل الدجا من سناها

ويالله طلبتك وانت للخير مداد = سحابة_ يفرح بها من رجاها

ومزونها ما بين برق_ ورعاد=تسقي مرابعها وتنبت حياها

واجعل ليالي مكه اعياد بااعياد= وبارك لمعرسها وحقق مناها


واختامها صلوا على سيد الأمجاد = محمد المختار قايد لواها

[/poem]

عيضه بن مستور العيسي الثبيتي