مرسولــــــــــــــــــــــــــــــــــــة

[خلف بن عبدالعزيز الثمالي]

مرسولــــــــــــــــــــــــــــــــــــة مرسولــــــــــــــــــــــــــــــــــــة مرسولــــــــــــــــــــــــــــــــــــة مرسولــــــــــــــــــــــــــــــــــــة مرسولــــــــــــــــــــــــــــــــــــة

بكل الحب ألقاكم أحبتي في هذا المنتدى الأكثر من رائع
ولكم أسعدني هذا التواجد من الإخوة الشّعراء,والأخوات
وكأنّ المنتدى يعيش أحلى أيّامه بهذا الزّخم المطروح
من هذه القصائد.
[poem="font="Simplified Arabic,5,indigo,bold,normal" bkcolor="transparent" bkimage="images/backgrounds/5.gif" border="solid,4,purple" type=2 line=1 align=center use=sp num="0,black""]

أنا ماجيت اهدّك ياحمامه=أنا اتمنى لك العيش بسلامه
صدحتي قبل ماجي باللحوني=ونحتي بعد جيتك ياحمامه
تعالي واتركي صدّك ونوحك=وشوفي حي ميّت من كلامه
تعالي واصدحي بالرّوض الاخضر=وعيشي مع صغارك في كرامه
أنا ماجيت اسلّي منك روحي=انا جيت اشكي الخلّ وغرامه
ولا الجدول ولا روضك عجبني=بعد شوقي ترك فيني علامه
هذولي هم صغارك في أمانه=وطيري لا عواصف لا غمامه
أبي جنحانك ترفرف عشاني=من الطّائف إلى أرض اليمامه
عليك بالنّفل هو والخزاما=تردّ الرُّوح في وسط الثمامه
ولا منك عطشتي ياعروسه=تري وادي حنيفه مثل شامه
خذي لك غفوة(ن)يرتاح بالك=ورُدِّي من نشاطك والقوامه
طريقك ياحمامه صوب داره=أبو طرف ادركت قلبي سهامه
تغنّي واهدلي يكفيك هذا=من الخلّ الأبي يقظة منامه
ليا قال أنت علمك ياسجوعه=تقولين الهوى بالحيل ضامه
شكى من حبّكمْ حتى تغنّى=وشفت الجلد بيّن لي عظامه
لا ياكل ولا يشرب ويرقد=ولا مرتاح من راعي الملامه
على شانه تركت الرّوض عنده=ومافي العش مدري وش علامه
وقولي له ابرجع صوب داري=وراي طويق من بعده تهامه
عسى الله يجمع العشّاق ليله=ويتحقّق لمن أرسل مرامه
[/poem]

دمتم سالمين
محبّكم/خلف بن عبدالعزيز الثمالي