عندي ريموت ( خربشه )

[كشكول]

عندي ريموت ( خربشه ) عندي ريموت ( خربشه ) عندي ريموت ( خربشه ) عندي ريموت ( خربشه ) عندي ريموت ( خربشه )

بسم لله لرحمن لرحيم

دخلت أتجول بالمواضيع والمواقع وعلى خبركم اخوكم دخلاته على قده بين فتره والثانية يحس أنه محتاج يجدد ثقافته خاصة أني ( دبا ثقافه ) يعني من كبار المثقفين خاصة ثقافة اقرأ وانسخ والصق يطلع موضوع مرستك .
الحاصل اني دخلت وجلست اقلب وادور كيف اشغل سيارتي بالريموت شوفوا كيف التطور يعني وانا نائم انقلب يسار واضغط الريموت واصيح في ام العيال الفطور يا أم فلان ( خويكم حمش , عينه حمراء ) ما اغسل وجهي وصلي ركعتين الا والفطور جاهز لقمتين يتبعها كاسه كافي خبركم القهوة ولا على قول منقاش ( الشاذلية ) تركناها من مبطي ( ماني قلت لكم متطور وعندي ريموت اشغلبه السيارة ) خرجنا من سالفتنا الاوله اكمل سالفة الريموت بعدين
وانا اقلب يمين ويسار الا ولقا رموز غلبت افهمها تلقى الواحد كلما كتب رد ياكبره وبعدين كتبلك بعده ( خخ2 قق4 ) حروف وارقام الحاصل شفره رغم محاولاتي المستميتة والاستعانة بالشيخ قوقل والسيد ياهو ( محرك بحث اخر ) لم اجد لها تفسير منطقي ولو كان نيوتن حي اضنه بيورط مثلي ..
قلت ياولد ما معك الا تسأل خبراء ( وطبعا اقصدكم ) تعلموني وش معناها وتجودون علينا بما فتح الله عليكم من العلم في هذا المجال .
.........
بعدين لقيت موضوع يقول تحياتي لا تكتبونها تروها فيها ما فيها من ذنوب وآثام ولا يصح كتابتها وينسب لاحد المشايخ انه قال انها لا تجوز بحثت عن الامر وجدت ان الجميع ناقل عن الجميع ولم استدل لأصل الموضوع او الفتوى المشار لها فأرجو ممن لديه علم او قدره على تأكيد او نفي الموضوع يبلغنا وبالدليل .
الامر الثاني كتابة هع وان اصلها كلمه بنقلاديشيه تعني أحبك
طيب احنا عرب ولا بنقلاديشيين سؤال يسدح نفسه
........
الموضوع باختصار اننا للأسف الشديد نخش لها المواقع وكل مالقينا حاجه جبناها معنا وقلنا انتبهوا ترو هذي لها معنى خطير وما يصح نقولها مدري ليه يوم اقرأ مواضيع زي هذي اتذكر زمان يوم قالو ان شعار ( سفن اب ) حرام وانه يستهدف الاسلام ويؤذي مشاعر المسلمين طيب كيف نتأكد قالو اقلب القارورة واقرأ الشعار بالمقلوب ( الله ما من الوسوسة بروسنا ) .

كثرت عليكم بس خربشة واحد عنده ريموت للسيارة