مخاوي منقاش تعال .. رحلة إلى هجرة الطيري

[منقاش]

رد : مخاوي منقاش تعال .. رحلة إلى هجرة الطيري رد : مخاوي منقاش تعال .. رحلة إلى هجرة الطيري رد : مخاوي منقاش تعال .. رحلة إلى هجرة الطيري رد : مخاوي منقاش تعال .. رحلة إلى هجرة الطيري رد : مخاوي منقاش تعال .. رحلة إلى هجرة الطيري

يبن سلمان تبي تعذبل من الشيطان وتبرا من المخاوي وتبقى في حمى الله ثم حمايه والا تبيني ا أنحرف عليك أنت وبلا حدود والمخاوي واخلي اللي ما يقدر يشتري يتفرج .
أنا قايل لك من البدايه أنت زبنت بجبل واترك عنك الخبل واشوفك رايح وجاي بين المخاوي والذيب العاوي .
أما أنت يا بلا حدود فانت باين أنك تجهل المذاهب بعد تطورت القبايل والقبيله وبعد تركت الخبيله وسار عندها كنفيوترات ومزايين أبل ومزايين حمير وبقر ..
يالجودي أنت وينك وين ؟, ياللحيه الغانمه قوانين القبايل الأوله ثبت أنها حرام مثل القانون الفرنسي والأنجليزي أن كانت ماهي أردى منها كلها يوم أن آليتها ماهي عقلانيه , ويوم أنها تنهي أحكامها بغنم يتعشاها الحكامه وأسى يلتزم بمثله وسواه أطراف النزاع لو سار مثلها وسواه باكر , ويخرج منها المساكين المحكوم لهم كما يقولون من المولد بلا حمص (وانتبه ل(بلا) تراها تجيب البلا).
بعد عرف شيوخ القبايل أن الشرع يبي يضيع مشيختهم ومروستهم فكروا من وين لهم عشوات وسمرات وضرب بالبواكير على الفرشات واتباع يمشون وراهم مهطبلين بأذانيهم ويقولون لهم يا كبارنا ويا عرافنا ,, عرفت الشيوخ وخماسها أنهم في ورطه لجل كذه حاولوا يلتفون على الحقيقه والأمر الواقع والشرع ويحافظون على مناصبهم في القبيله ومجالس وعشوات الأحكام والتحكيم على ربعهم وقالوا يا ناس بطلنا الأحكام الأوله ولا عندنا الا صلح .
والعمليه مناوره وحيله أجتمع فيها العنصريه والأصرار على الحكم بغير ما أنزل الله , وانت تعرف أن ما فيه صغيره مع الأصرار ولا كبيره مع الاستغفار لكن الربع مصرين على كبيرتهم اللي ما هي صغيره والأحتيال والله ما عليه حيله وهي تحكيم ما الفوا عليه أباءهم .
العاني اللي أنت متمسك فيه والدرب اللي أنت ماشي فيه هو بداية الطريق ومدخل من مداخل المذاهب القبليه الوضعيه والحكم بغير ما أنزل الله .
الشيخ الشريف منقاش شيخ آخر طبعه أو كما لو تقول حداثي في ما أحل الله أو(مودرن كما يقول الخماجات والمستخمجين) ويحاول ترك الفريعه والتوفيق بين القبيله والشريعه , من هذا التوفيق أنه ما يجوز لكل من هب ودب يقيم دعاوي بأسم الغير بدون وكاله شرعيه موثقه .
الزبده : أن كنت تايب فالله لا يردك خايب وان كنت مصر على الأحكام القبليه المخالفه للشريعه وأولها العاني والمستعني والكلام اللي ما عاد يغني أستتبناك حتى نردك للهدى بعد الضلاله .
هاااااااه ويش أنت قايل ؟؟ ..