القروش ولعبة الفقاعه / الحلقه الثامنه.

[منقاش]

القروش ولعبة الفقاعه / الحلقه الثامنه. القروش ولعبة الفقاعه / الحلقه الثامنه. القروش ولعبة الفقاعه / الحلقه الثامنه. القروش ولعبة الفقاعه / الحلقه الثامنه. القروش ولعبة الفقاعه / الحلقه الثامنه.

بسم الله الرحمن الرحيم
تذكرون في الحلقتين اللي راحت أني ذكرتكم بحقيقتين أبغيكم ترسخونها في أذهانكم , الحقيقه ألأولى , أن راس المال ما يتبخر أبدا , وكل مافي الأمر أنه ينتقل من يد خسران ليد كسبان والشاطر من يعرف يلعب ويكسب .
والحقيقه الثانيه , أن اللاعبين الكبار (الصيارفه) اللي لهم السيطره في الميدان دايم وبأستمرار يحولون راس مالهم من العمله الورقيه الى الأصول والذهب والفضه , أما العملات من دولار والا غيره فهي عندهم وسيله مؤقته ولا هي غايه .
وهالحين قبل ندخل الموضوع أحب أتشمت في المخاوي والمبرد من اللي حصل لهم من ولد مائير , والقصه أني وشيت بهم عند شلومو وقلت : يا ابن عمي ترى هالأثنين حاولوا يقلبونها مطنزه , وابتدوا يفسفسون ويمثمثون بكلام مضمونه أن كلامك فشر , وأنك هكاك , وترى فخامتي زعل من كلامهم فيك وتقولهم عليك , وقلت في نفسي ليتهم شككوا في كلامي ولا شككوا في كلام واحد مثل ابن عمي شلومو .
رد عليه وقال : طيب ويش الحل مع هالوغدان ؟ , (الوغدان لغه حائليه), قلت بسيطه , أنت رجال على فراش ساري الليل , وفراش معزبك يحميك ويحمي منك .
بعد المفاتشه والمناقشه مع من حضر ومع معزبنا ساري الليل , أستحبوا المخاوي بكراعه من الركن اللي كان ينخر فيه وجابوه الى قدامي أنا وولد مائير وكتفوا أيديه ورا ظهره بمريره , وكتفوا رجليه بقياد حماري , ثم , قال له ولد مائير :
أنت يوم ترقد في مجلسنا ومجلس فخامة الشيخ الشريف منقاش وأذا فتحت عيونك أبتديت تهرف بما لا تعرف , ويش علتك (يعني ويش بلاك)؟. بغى المخاوي يغرغر بشوية أعذار لكن ولد شلومو ما أمهله وقال : بطوه (يعني أبطحوه على بطنه) وفعلا بطوه وكسروا على ظهره خمسه بواكير من الخيزران .
أما المبرد , تشفع فيه بعض الحاضرين وقالوا : يا جماعه , الرجال هذا أول مره يزهق لسانه وخففوا عقوبته لعل الله يصلح قلبه الفاسد . عود ولد مائير قال باللهجه المصريه للمبرد : أوم جتك نيله , وروح وأأف وحط وشك للحيطه وارفع يديكنك على راسك .
قاطعت ولد ما ئير : وقلت أحلم يا طويل العمر , الكبير ما عمره يصغر , وان كان نفسك تلاغيهم رد عليهم وعلى غيرهم بالمنطق والعقل حتى تسكت كل ناعق وباعق.
قال : أحسنت يا فخامة الشيخ , وشوفوا يا من حضر : ألأحتاطي الفدرالي الأمريكي , أو سموه البنك المركزي الأمريكي اللي يقابله عندكم مؤسسة النقد . هذا الجهازي المالي الأمريكي اللي يطبع الدولارات بالكميات اللي يرغب وفي الوقت اللي يراه , تدرون لمن ؟ , هل هو للحكومه ألأمريكيه والا لرجال المصارف اليهود ؟.
الجواب : المفروض يكون للحكومه ألأمريكيه لكن رجال المصارف اليهود أنتزعوه بالقوه من الحكومه الأمريكيه .
واللي منكم يتفق معنا على هالجواب ننتقل به لخطوه ثانيه نفهمه فيها بأشياء جديده , واللي مختلف معنا , أما يجيب دليله , والا يروح يبحث عن الحقيقه عند غيرنا .
س/يالأجواد : الدولار , هل كان مغطى بالذهب حتى عام 1971 والا لا؟ , الجواب : بلى , كان مغطى بالذهب ونزع عنه الغطاء من طرف واحد وهو الصيارفه عام 71 .
س/ الدولار , هل كان ولا زال عمله للأحتياطيات الماليه وللتبادل التجاري الدولي وبالذات البترول ؟ , ج /نعم , كان ولا زال .
س/ كيف وضع الأحتياطي المالي للدول قبل وبعد رفع غطاء الذهب عن الدولار؟ , الجواب : قبل رفع الغطاء كانت الدول تقدر ترجع الدولارات الفائضه في أحتياطياتها وتاخذ بدالها ذهب كضمانه متى ما رغبت بمعدل أوقيه (اونصه) ذهب لكل 35 دولار , يعني أن رجال المصارف اليهود اللي يملكون البنك المركزي الأمريكي يكلفهم في النهايه كل 35 دولار أوقيه ذهب + كلفة طباعتها.
أما بعد رفع الغطاء فلا يكلفهم الا كلفة الورق والحبر والطبع بواقع (5) سنت لكل دولار, يعني 35 دولار مضروبه في 5 سنت = 175 سنت = دولارين الا ربع .
س/ ويش بقي ماسك الدولار بعد رفع عنه الغطاء ؟ : الجواب : ماسكه ألأحتياطيات الماليه للدول اللي خدعت وانغدر بها ولا عاد تقدر تخرج بسهوله من ورطتها + السلع والخدمات اللي تنتجها أمريكا وتبيعها في الداخل والخارج + البترول اللي ما يباع على الدول المستهلكه الا بالدولار + العملات المرتبطه بالدولار .
س / من الكسبان في العمليه , ومن الخسران فيها ؟ , الجواب : الخسران فيها , الشعب ألأمريكي + الدول اللي تمتلك أحتياطيات ضخمه بالدولار من قبل أو بعد نزع الغطاء مثل الصين وغيرها + الدول المصدره للبترول + العملات المرتبطه بالدولار .
والكسبان فيها رجال المصارف اليهود اللي بدلوا قيمة (ال35دولار) من أوقيه ذهب + كلفة طباعتها الى كلفة طباعتها فقط وهي دولارين ألا ربع.
وين الحلول؟ : ألأول , أيقاف ربط العملات بالدولار , وهذا ألأجراء ما يبي يتضرر منه غير أهل المصارف وأصحاب ألأرصده والأحتياطات الماليه اللي مودعه بالدولار , لأن أنهياره يعتبر أنهيار لأرصدتهم .
الثاني , أستغلال كل دولار بيد أي دوله من الدول حالا في تنميه بلدانها أو تحويله الى أصول وبنى تحتيه في أوطانها حتى لا يجي يوم يصبح فيه المية دولار ما تشري حبة تفاح , وهذا شي أبتدت كثير من الدول تنتبه له وتتجه شويه شويه لأستثمار فوايضها الماليه في بلادها مثل ما سوت أمارة دبي .
طيب , أذا كانت ديون الصيارفه على دول العالم بالدولار, وبمبالغ ماليه خرافيه هي وفوايدها , كيف يجازفون بديونهم ويصنعون فقاعة النقد اللي لو أنفجرت يصبح الدولار ما يسوى قيمة الحبر اللي طبع به وتضيع عليهم ديونهم؟.
الجواب : هذا شي يخضع لتوازنات المكسب والخساره , وهم كدسوا مكاسب أضعاف مضاعفه لديونهم على الدول المدينه من أقساط وفوايد الديون نفسها ثم حولوها ذهب أو أصول , ولا يهمهم خراب روما بعد كذه لأنهم جهزوا البدايل بعد ألأنهيار في أماكن رسخوا فيها أقدامهم مثل ألأتحاد ألأوربي .
قاطع ساري الليل ولد مائير وقال : يا شلومو وراك تطيل وتكب فقاعة الرهن العقاري وتخرج منها لغيرها ؟, جاوبه وقال : لا تخاف , معودين عليها , وكنت ناوي أعود لها من هالحلقه , لكني شفت أن فقاعة النقد الدولي تحتاج لزيادة توضيح .
قاطعت ألأثنين وقلت : طيب , وين جواب سعالنا في الحلقه اللي راحت واللي قلنا فيه , وين دور القطب الثاني اللي هم السوفيت عام (71) يوم سحب الصيارفه الغطا عن الدولار؟ .
رد شلومو وقال : ما فيه أحد يقدر يشكك في أن الشيوعيه واشتراكيتها صناعه يهوديه تخطيط وتنفيذ , والدليل أن القياده السياسيه واللجنه المركزيه كانت أغلب أعضاءها يهود صهاينه , ولا أحد يقدر يشكك في أن الثوره الشيوعيه مولها رجال الصيرفه اليهود , لأجل كذه لا تستغربون أن السوفيت ما حركوا ساكن يوم رفع الصيارفه غطاء الذهب عن الدولار .
والى هالحد نتوقف عن الحديث عن فقاعة النقد العالمي الخطيره , واللي لا زالت تكبر وتكبر ولا أنفجرت بعد , ونهار تنفجر من هولها رايح تنسى الناس غيرها , خلوكم معي , وفي الحلقه الجايه أن شاء الله نعود مباشره لفقاعة أزمة الرهن العقاري , وسلامتكم ....